miércoles, 8 de mayo de 2019

SEDE PROBA ACCESO A CM

Foron publicadas xa as sedes para a realización das probas de acceso a ciclo medio deste 28 de maio.

As persoas que se inscribiron para as mesmas no IES Pedro Floriani deberán presentarse no CIFP Valentín Paz Andrade de Vigo.

Moita sorte a tod@s!!!

REUNIÓN EQUIPO MEDIACIÓN

Xa queda pouco deste curso 18-19 e no equipo de mediación reunimonos para facer balance das actividades realizadas.

Ademais, tomamos algunhas decisións acerca das novas funcións que asumirá o equipo de cara ao vindeiro curso, e que xa vos iremos contando.

Grazas equipo!






martes, 9 de abril de 2019

CHARLA GRAO EN COMERCIO

Hoxe tivemos, para o alumnado do Ciclo Superior de Administración e Finanzas, unha charla impartida polo profesor Emilio García Roselló, da Universidade de Vigo, sobre o Grao en Comercio. 



Este Grao é único en Galicia e tal vez sexa algo descoñecido, pero preséntase como unha saída moi interesante para o noso alumnado do Ciclo Superior de Admón e Finanzas que queira seguir formando a súa carreira no ámbito da empresa ou para todos/as aqueles/as con gañas de emprender nun futuro,  xa que o Grao en Comercio aporta unha formación multidisciplinar no seu ámbito.






A facultade, como curiosidade, é das poucas situadas no centro da cidade (Torrecedeira) e non no campus do CUVI.

Emilio deixounos algúns folletos informativos pero podedes consultar toda a info sobre este Grao na súa páxina web.

Grazas polas túas interesantes aportacións!

miércoles, 3 de abril de 2019

PREVENCIÓN DROGODEPENDENCIAS-PLAN DIRECTOR

Hoxe o alumnado de 1° FP básica e 4°ESO A acudiu a unha charla sobre prevención de drogas impartida pola subinspectora da Policía Nacional de Vigo-Redondela, dentro das charlas do Plan Director para a mellora da convivencia.





A pesar de ser un tema tratado de diversas formas todos os cursos, seguimos vendo como algunhas persoas desbotan a súa xuventude polo consumo de substancias dende idades moi temperás, que en moitas ocasións chega a un nivel difícil de controlar. 

Esperamos que esta información que aportamos poida previr dependencias e situacións prexudiciais para as vidas do alumnado e da xente que os rodea.


domingo, 31 de marzo de 2019

2 ABRIL #DIAMUNDIALAUTISMO

O 2 de abril conmemoramos o Día mundial do autismo. Deamos visibilidade ao trastorno de espectro austista para unha maior comprensión deste pola sociedade.


martes, 26 de marzo de 2019

LESIÓNS MEDULARES-COGAMI

Hoxe os ciclos medios de FP (Xestión administrativa e Instalación de telecomunicacións) tiveron unha charla sobre Lesións medulares impartida por Xulia, traballadora social de Cogami, e Iván, usuario desta asociación.

Como xa os coñecemos, sabemos que é unha sorte contar con el@s, coas súas explicacións, experiencias e vivencias tan interesantes e inspiradoras.




Grazas por compartilas con nós!

miércoles, 20 de marzo de 2019

II ENCONTRO MEDIACIÓN: IES A GUIA-FLORIANI

A do Luns foi unha xornada de encontro dos equipos de mediación de ambos IES, como xa adiantamos, moi completa e divertida.

Deixámosvos algunhas fotos das actividades que fixemos:



Exposición do traballo que realizan ambos equipos no salón de actos.



Caminata polo monte de A Guía.





Xogos cooperativos no pavillón.

Estamos desexando xa que chegue o novo encontro! Grazas a tod@s!!




martes, 19 de marzo de 2019

CONVIVENCIA MEDIACIÓN: A GUÍA-FLORIANI

Onte vivimos unha xornada de convivencia no II Encontro dos Equipos de Mediación do IES A Guía e o IES Pedro Floriani.

O curso pasado tivemos a súa visita no Floriani e este xa organizaron alí, co orientador Fran á cabeza, unha xornada agradable e divertida, na que comemos, compartimos traballo e experiencias, paseamos polo monte da Guía e fixemos xogos cooperativos no pavillón do IES.

Unha marabillosa experiencia que contamos con repetir. Grazas pola organización e acollida!

En breves subiremos máis fotos. Agora... Un pequeno adianto da despedida.

viernes, 15 de marzo de 2019

CHARLA AXENTE DESENVOLVEMENTO LOCAL

Hoxe tivemos unha charla acerca de ferramentas para a búsqueda de emprego dirixida ao alumnado de 2° FP básica das nosas familias profesionais. 



Foi impartida por Mamen, axente de emprego e desenvolvemento local do Concello de Redondela, que nos explicou un montón de opcións diferentes que o alumnado, e calquera que remate unha etapa e queira incorporarse ao mundo laboral, pode ter en conta para formarse profesionalmente e acadar un emprego (obradoiros, cursos, tipos de CVs, axencias de emprego, ETTs ou páxinas web de interese).





Grazas pola colaboración Mamen!