FLORIENTA

Sgeun un etsduio de una uivenrsdiad ignlsea, no ipmotra el odren en el que las ltears etsan ersciats, la uicna csoa ipormtnate es que la pmrirea y la utlima ltera esten ecsritas en la psiocion cocrrtea. El rsteo peuden estar ttaolmntee mal y aun pordas lerelo sin pobrleams. Etso es pquore no lemeos cada ltera por si msima snio la paalbra cmoo un tdoo.  IrnecbilE, VrdeaD?

O mércores 20 de decembro tivemos o pracer de recibir no IES ao profesor da Facultade de Matemáticas D. Celso Rodríguez Fernández , que foi decano desa facultade e vicerretor de estudantes da Universidade de Santiago de Compostela. Esta charla enmárcase dentro das actividades do Programa de Orientación Académica e Profesional organizadas polo Departamento de Orientación para este curso. Foi unha sesión moi interesante e amena, onde o alumnado de 1º e 2º de bacharelato coñeceu os graos universitarios que se imparten na USC, nos campus de Santiago e Lugo, a oferta tan ampla desta universidade en canto a actividades complementarias, deportivas e de ocio, idiomas, residencias e bolsas. Ao final da sesión falamos brevemente do acceso á universidade e das novas notas de corte das distintas facultades. Grazas ao relator pola súa entretida exposición e ás titoras de 2º de bacharelato e ao profesorado desa sesión pola súa colaboración.

O pasado luns, 18 de decembro pola tarde, tivemos no Floriani a visita dun grupo de alumnado axudante do IES A Guía de Vigo, acompañados polo seu orientador, Fran, e a profesora de francés. A sesión pretendía o achegamento deste alumnado  ás funcións desenvolvidas polo noso equipo de mediación no que levamos de curso. Mostrámoslles o que fixemos en canto a formación, a través dunha breve presentación, e os nosos mediadores e mediadoras contaron de primeira man as experiencias levadas a cabo e como foron resultando. Temos que agradecer o b o facer do noso alumnado , que tan ben reflexou o traballo do equipo e, como non, a visita destes rapaces e rapazas que se están formando no proceso mediador xunto co seu orientador. Esperamos seguir colaborando, agora tocanos a nos visitar A Guía! Aquí tedes un resumo fotográfico da xornada.

Onte, martes 12 de decembro, tivemos a primeira sesión da Escola de nais e pais deste curso no IES.  Dende as 18:00 horas asistimos á charla impartida pola Subinspectora da Policía Nacional , Mercedes Dabán, acerca das novas tecnoloxías . Canto aprendimos! Como ela contaba, e lle pasara nunha charla cunha alumna, pensamos que xa o sabemos todo pero que va... Sexting, Phising, Grooming, Cyberbullying e unha serie de "ings" e outros termos case impronunciables, que non son máis que termos que definen diversos delitos que se cometen a través da rede Internet , sobre todo, a través de chats e redes sociais.  A gravidade destes delitos é maior cando falamos de menores. Menores infractores e menores vítimas, onde son as familias as responsables finais de posibles multas e as responsables principais dun mal uso, sen control parental, destas redes por parte dos fillos e fillas.  Que complexo é afastarse desta voráxine das novas tecnoloxías na actualidade. Sobre ist

E para dar resposta a esta pregunta atopamos un interesante artigo onde se revisan os principais motivos desas faltas, as posibles influenzas das novas tecnoloxías (ou non) e como, en moitos casos, o desinterese, a falta de atención e de importancia que se lle otorga ás normas ortográficas é o motivo principal que obtemos para darlles explicación. Debemos sancionar/suspender ao alumnado que comete faltas excesivas de ortografía? Pois dende logo, debemos telo en conta e valorar cada situación, non deixemos de restarlle importancia a un problema ao que nos estamos acostumando e que avanza ás veces sen solución. Podedes ler o artigo da publicación dixital "Padres y colegios" premendo aquí .

O próximo martes 12 de decembro ás 18:00 horas da tarde, teremos no IES Pedro Floriani unha charla dirixida ás familias do alumnado da ESO e FP básica acerca das Novas Tecnoloxías e os seus posibles riscos, impartida por membros da Policía Nacional. Esta charla enmárcase dentro da Escola de nais e pais que se organiza este curso no centro, no marco do Plan de mellora da convivencia (Contratos-Programa). Esperamos contar coa vosa asistencia e que os contidos sexan do voso interese!

O 3 de decembro conmemórase o Día internacional das persoas con discapacidade . Este ano, en Galicia, diversas asociacións promoveron o lema # baixoomesmoparaugas , e as rúas das cidades enchéronse de xente con paraugas de cores. Dende o sistema educativo debemos ter en conta a diversidade de capacidades e apostar pola inclusión do alumnado. As leis educativas apostan pola equidade e a inclusión, pero todavía queda moito camiño por andar e se precisan máis recursos para poder levala a cabo de xeito efectivo. No IES Pedro Floriani , esta pasada semana, contamos coa sorte da visita do equipo de baloncesto en cadeira de rodas, AMFIV, que xunto co alumnado de ESO e Bacharelato pasou a xornada xogando a este deporte no pavillón do centro. Podedes ver máis sobre esta visita neste enlace á páxina de Facebook do IES.