FLORIENTA

Imos aproveitar estes días para facer un breve repaso das técnicas de estudo básicas, tan importantes para unha mellor organización e comprensión dos contidos a estudar. Deixamos unha serie de vídeos explicativos acerca do resumo, esquemas, regras mnemotécnicas e mapas mentais. Tamén podedes consultar os enlaces sobre o tema no menú principal do Blog. Agora só vos queda practicar!

Este martes 12 de febreiro comezarán as clases do Programa de Reforzo, Orientación e Apoio (PROA) no IES. Este programa está dirixido neste curso 18-19 ao alumnado de 1° e 2° ESO, no seguinte horario: 1° ESO : martes e xoves de 16.30 a 18.30h. 2° ESO : martes e xoves de 18.30 a 20.30h.

Esta tarde tivemos a última clase do PROA deste curso. O alumnado de 1°ESO aproveitou para expoñer o proxecto que realizou durante estes meses, ao mesmo tempo que traballaban lingua e matemáticas, entre outras. O proxecto consistiu en facer un presuposto dunha viaxe de volta ao mundo, tendo en conta un límite de diñeiro e buscando medios de transporte, aloxamentos, moedas internacionais, etc. Despois da exposición saímos ao patio para aproveitar o bo tempo e facer algunha dinámica de grupo. Tivemos unha doce merenda e o alumnado despediuse da profe María con moito agarimo. Moita sorte María! Grazas por todo 😘

Co entroido de por medio comezaron as clases do P rograma de Reforzo, Orientación e Apoio deste curso no IES. Este programa enmárcase dentro das actuacións dos Contratos-Programa que a Consellería de educación oferta cada ano. Decidimos nesta ocasión, tras facer unha análise dos grupos e do alumnado co equipo directivo e cos titores e titoras, organizar as clases de apoio das tardes para o alumnado de 1º ESO. As clases impártense dous días á semana, cunha duración de 2 horas por día. Esta semana podemos dicir que comeza xa a tempo completo. O horario deste curso é o seguinte: Martes e Xoves de 16:50 a 18:50 horas . Esperamos que o alumnado mellore nas competencias lingúísticas e matemáticas, así como na organización e técnicas de estudo de xeito xeral!

E para dar resposta a esta pregunta atopamos un interesante artigo onde se revisan os principais motivos desas faltas, as posibles influenzas das novas tecnoloxías (ou non) e como, en moitos casos, o desinterese, a falta de atención e de importancia que se lle otorga ás normas ortográficas é o motivo principal que obtemos para darlles explicación. Debemos sancionar/suspender ao alumnado que comete faltas excesivas de ortografía? Pois dende logo, debemos telo en conta e valorar cada situación, non deixemos de restarlle importancia a un problema ao que nos estamos acostumando e que avanza ás veces sen solución. Podedes ler o artigo da publicación dixital "Padres y colegios" premendo aquí .

PROGRAMA

Fonte: El orientablog

Fonte: Orienta As Barxas

Fonte: Orien Tapas

O orientador Juan Antonio Planas Domingo publicou unha columna no Blog “ Educación Canal Educación ” con consellos para o inicio do curso e para adquirir bos hábitos de estudo.  Como pasa todos os anos, o curso é unha carreira de fondo, polo que canto máis cedo comeces a adestrar máis preparado estarás para a recta final dos exames. É bo que, desde o inicio se teña hábito de estudo . Se aínda non hai unha gran cantidade de contido para comezar a estudar, podes empezar por ler algunha lectura recomendada para cada idade. Ademais, en lugar de repasar soamente a materia xa vista na clase, tamén se pode ler o tema que se vai explicar ao día seguinte. Iso axuda a ser máis atento, entender mellor o que o profesor está explicando e preguntar o que non se entende.  Débese ter en conta desde o principio, non facer PROCRASTINACIÓN . É dicir, retrasar tarefas,deixar para despois o máis ingrato, incumprir compromisos. Este é un dos principais problemas dos adolescentes e mozos. O ...

Este video vai adicado aos alumnos que estiveron onte pola mañá no meu departamento Moita sorte

Son quince páxinas con consellos e técnicas de estudos moi efectivas para afrontar a preparación dos exames da selectividade que temos xusto nun mes. Para descargala  pica no enlace: LA GUIA Fonte: Orienta As Barxas

Infografía de aulaplaneta.com : 8 regras fundamentais á hora de estudar na casa  Fonte: Silvina Paricio Orienta

"APRENDENDO A ESTUDAR" Consellos para estudar cos fillos  

Os nervios e a ansiedade ante os exames é algo que casí todo o mundo experimentou nalgún momento. Para algún alumnado o estrés ante un exame é tan alto que se quedan coa mente en branco, e os resultadod obtidos non se corresponden co tempo adicado ao estudo da materia. No seguinte video de VIVO EDUCANDO expóñense unha serie de técnicas moi útiles para controlar a ansiedade nos distintos momentos en que ésta apareza: antes, durante ou despois do exame.

Os nervios e a ansiedade ante os exames é algo que casi a todos os estudantes experimentamos algunha vez. Para alguns de nos o estrés ante un exame é tan alto que se queda a mente en branco, e os resultados obtidos non se corresponden co tempo adicado ao estudo da materia.  No seguinte video veredes unha serie de técnicas moi útililes para controlar a ansiedade nos distintos momentos en que aparece; antes, durantes e despois do exame. 

Un fantástico documental: “ Camino a la escuela ” do director francés Pascal Plisson, galardoado co premio César 2014 por este traballo, fálanos de miles de dificultades coas que se atopan para ir á escola catro nenos de entre 11 e 13 anos de Kenya, Marrocos, Arxentina e India. Trata sobre o Dereito á Educación, que recordemos que é un dereito humano fundamental, esencial para poder exercitar todos os demais dereitos e que os Estados teñen que garantir.