ESCOLA DE NAIS E PAIS: RESPONSABILIDADE DAS FAMILIAS NA EDUCACIÓN AFECTIVO-SEXUAL E USO DE INTERNET

Este xoves 27, tras a reunión mantida coas familias de 1° ESO acerca das responsabilidades sobre a educación afectivo-sexual e o uso das novas tecnoloxías en adolescentes, tivemos unha nova sesión de Escola de nais e pais con Sonia Morán, sexóloga traballadora do centro Quérote+ de Vigo, que nos axudou a reflexionar acerca de como son hoxe en día as relacións afectivas entre mozos e mozas, e como algúns aspectos destas semellan experimentar un retroceso cara a unhas relacións pouco saudables. 

Sabemos que establecer unha comunicación baseada na confianza no seo familiar é fundamental para que sexa efectiva e para o desenvolvemento afectivo e que isto, xunto coa importancia do respecto polos demais, serán os piares fundamentais a traballar tanto dende a familia como dende a escola.

Esperamos que esta sesión teña servido para facernos pensar, reflexionar e poder introducir pouco a pouco algúns cambios que axuden a mellorar a convivencia, dende a familia, o centro educativo e facelos extensibles a outros ámbitos do día a día.




Comentarios

Publicar un comentario

Publicacións populares deste blog

XORNADA ORIENTACIÓN UVIGO (Ori. Académica Bach e CS)

Imaxe
Información de interese para o alumnado de bacharelato, tanto 1° como 2° curso, e para o de Ciclo Formativo de Grao Superior interesado no acceso á Universidade, xa que a UVigo programa unha Xornada virtual de orientación para o vindeiro mércores 13 de maio, de 17:00 a 19:30h. Poderedes acceder dende as vosas casas á información completa sobre as novidades da ABAU, a preinscrición, o acceso, a matrícula, a oferta dos graos e as súas saídas profesionais así como sobre os distintos servizos xerais da universidade. Para acceder podedes ir dende aquí:  Campus Remoto  coa clave de acceso do estudantado:  5b9Uvb Para máis información consultade a páxina web da UVigo premendo aquí .
Ler máis

IGUALDADE / EQUIDADE

Imaxe
IGUALDADE:  Condición ou circunstancia de ter una mesma natureza, cantidade, calidade, valor ou forma, ou de compartir algunha calidade ou característica. Proporción ou correspondencia entre as partes que uniformemente compoñen un todo.  EQUIDADE: Calidade que consiste en dar a cada un o que se merece en función dos seus méritos ou condicións. Calidade que consiste en non favorecer no trato a unha persoa prexudicando a outra. 
Ler máis